عراق کی نیشنل سیکیورٹی سروس نے آج ہفتے کے روز اعلان کیا ہے کہ کرکوک کے علاقے میں کیے گئے آپریشن کے دوران داعش کے ایک نیٹ ورک کو ختم کر دیا گیا ہے اور کردستان کے لیے اس گروہ کے امیر کو زندہ گرفتار کر لیا گیا ہے۔
عراق کے سرکاری میڈیا ایجنسی نے ترجمان کے حوالے سے خبر دی کہ یہ آپریشن سلیمانیہ شہر میں انجام پایا، جس کے نتیجے میں داعش کے ایک سات رکنی گروہ اور کردستان کے لیے داعش کے امیر آزاد سخی کو زندہ گرفتار کر لیا گیا۔
عراق داعش کی فتنہ انگیزی کا مرکز رہا ہے، تاہم اس وقت یہ داعش کے اندر جاسوسوں کے ٹھکانے کے طور پر مشہور ہے ۔