صدیق یار اور حذیفہ، جو خیبر پختونخوا کی خیبر اور اورکزئی ایجنسیوں کے رہائشی ہیں، داعش کے مارے جانے والے اہم مقامی ذمہ دار عبدالمالک کے قریبی ساتھی ہیں۔ عبدالمالک رواں سال ۸ اگست ۲۰۲۵ء کو ضلع خیبر کے علاقے سُر غر میں نامعلوم مسلح افراد کے حملے میں مارا گیا تھا۔
حذیفہ اور صدیق یار علاقے میں داعش خراسان کے اہم سہولت کاروں میں سے ہیں۔
عبدالحکیم توحیدی داعش خراسان کے مغربی زون کا ذمہ دار ہے، جس کی سرگرمیوں کا اہم علاقہ صوبہ ہرات (افغانستان) تھا۔ وہ ۲۰۲۳ء کے اوائل میں پاکستان کے صوبہ خیبر پختونخوا کے پہاڑوں میں انہی مذکورہ مراکز میں منتقل ہوا اور وہیں سکونت اختیار کر لی۔
گل نظیم، جو داعش خراسان کے مشرقی زون کے اہم ذمہ داروں میں سے ایک ہے، ۲۰۲۴ء میں خیبر پختونخوا کے ضلع خیبر کی جبار میلہ کی جگہ پر پہنچا اور وہاں مقامی داعشی افراد کے ساتھ مختلف مراکز میں رہنے لگا۔
جبار میلہ داعشیوں کا ایک انتہائی اہم ٹھکانہ ہے۔ کہا جا رہا ہے کہ آج مقامی وقت کے مطابق شام 6:30 بجے نامعلوم ڈرون طیاروں نے جبار میلہ میں داعشیوں کے خفیہ ٹھکانوں پر حملے کیے۔
المرصاد نے اپنے ذرائع سے گل نظیم اور صدیق یار کی ایسی تصاویر حاصل کی ہیں جو جبار میلہ میں ان دونوں کی موجودگی کا ثبوت فراہم کرتی ہیں۔
