ناجائز فائدہ اٹھانے کے مراحل
کئی شناختوں کے استعمال سے سماجی امداد حاصل کرنے کا عمل عام طور پر متعدد منظم اور نپے تلے مراحل میں انجام دیا جاتا ہے۔ داعش سے منسلک حلقے ان مراحل کی مدد سے ریاستی نظام سے پوشیدہ رہتے ہیں اور مسلسل مالی آمدنی حاصل کرتے ہیں۔ ذیل میں ان کا تذکرہ کیا گیا ہے:
۱- جعلی شناختوں کے لیے امداد کی درخواستوں کا اندراج:
پہلے مرحلے میں، مجرم افراد جعلی دستاویزات کا استعمال کرتے ہوئے بے روزگاری، خاندانی سپورٹ یا دیگر سماجی فوائد کے پروگراموں کے لیے درخواستیں جمع کرواتے ہیں۔ ہر شناخت کو سسٹم میں ایک “الگ شخص” کے طور پر شامل کروایا جاتا ہے تاکہ امداد کے لیے الگ فائل کے طور پر قبول ہو جائے۔
۲- جعلی رہائشی پتوں کا استعمال:
نگرانی سے خود کو چھپانے کے لیے، ہر شناخت کے لیے ایک الگ پتہ رجسٹر کیا جاتا ہے۔ یہ پتے:
✓ یا تو ان عمارتوں کے پتے ہوتے ہیں جن میں کوئی رہائش نہیں رکھتا،
✓ یا پیسوں کے بدلے ان افراد کے پتے استعمال کیے جاتے ہیں جو اپنا پتہ شیئر کرنے کی اجازت دیتے ہیں،
✓ اور بعض اوقات جعلی کرایہ نامے تیار کیے جاتے ہیں تاکہ اس کا اضافہ کیا جا سکے۔
✓ یہ سب کچھ اس لیے کیا جاتا ہے کہ شناختیں ایک دوسرے سے لنک نہ ہوں۔
۳- مختلف بینک اکاؤنٹس کا کھولنا:
ہر شناخت کے لیے ایک الگ بینک اکاؤنٹ کھولا جاتا ہے تاکہ امدادوں کو الگ الگ وصول کیا جا سکے۔ بینک اکثر سطحی طور پر دستاویزات دیکھتے ہیں اور اگر دستاویزات اعلیٰ معیار کی جعلی ہوں تو اکاؤنٹ بغیر گہری تحقیق کے کھول دیا جاتا ہے۔
۴- مختلف اداروں سے سماجی امداد حاصل کرنا:
جب شناختیں رجسٹر ہو جاتی ہیں اور بینک اکاؤنٹس فعال ہو جاتے ہیں تو مختلف اداروں سے درج ذیل امداد انہیں ملتی ہے:
✓ بے روزگاری کی امداد
✓ خاندانی سپورٹ یا بچوں کی امداد
✓ پناہ گزین یا رہائشی مراعات
✓ ایمرجنسی سماجی خدمات کی نقد امداد
✓ کیونکہ ہر شناخت کا الگ پتہ اور اکاؤنٹ ہوتا ہے، اداروں کو پتہ نہیں چلتا کہ یہ سب ایک ہی شخص کو جا رہی ہیں۔
۵- تمام آمدنیوں کا اکٹھا کرنا اور منتقلی:
آخر میں تمام امداد ایک جگہ جمع کی جاتی ہے۔ یہ کام عام طور پر واسطوں یا غیر رسمی نیٹ ورکس کے ذریعے ہوتا ہے۔ پیسے:
✓ نقد کرنسی میں تبدیل کیے جاتے ہیں
✓ ایک جگہ جمع کیے جاتے ہیں
✓ اور منتخب شدہ راستوں سے مطلوبہ علاقے میں منتقل کیے جاتے ہیں
✓ اس طرح کئی شناختوں کے نام پر حاصل شدہ امداد ایک واحد مالی سلسلے میں تبدیل ہو جاتی ہے جسے داعش کا نیٹ ورک فنڈنگ کے لیے استعمال کرتا ہے۔
امداد کو کئی گنا حاصل کرنے کے میکینزم
داعش کا مالیاتی نیٹ ورک مغربی ممالک میں ریاستی سماجی امداد کے ناجائز استعمال کے لیے منظم طریقے استعمال کرتا ہے۔ بنیادی میکینزم جعلی شناختوں، متعدد دستاویزات اور اداروں کی کمزور کوآرڈینیشن سے فائدہ اٹھانا ہے۔ اس کے ذریعے وہ درج ذیل پروگراموں سے بیک وقت امداد حاصل کرتے ہیں:
۱- بے روزگاری کی امداد (Unemployment Benefits)
جعلی ناموں اور دستاویزات کے ذریعے کئی بار بے روزگاری رجسٹر کرانا، حالانکہ کچھ پوشیدہ طور پر کام بھی کر رہے ہوتے ہیں اور آمدنی بھی رکھتے ہیں۔
۲- بچوں اور خاندان کی امداد (Child / Family Benefits)
نیٹ ورک بعض اوقات جعلی خاندانی ڈھانچے، جعلی بچوں یا دہرائے گئے اولاد کے نام استعمال کرتا ہے تاکہ زیادہ تعداد میں خاندانی امداد حاصل کر سکے۔
۳- معذوری اور سپورٹ پروگرام (Disability / Support Schemes)
جعلی میڈیکل رپورٹس، فرضی بیماریوں اور غلط معذوری کے دستاویزات کے ذریعے معذوری کی ماہانہ رقم حاصل کی جاتی ہے۔
۴- رہائشی امداد (Housing Allowances)
ایک شخص کئی ناموں سے مختلف علاقوں کے لیے گھر کے کرایہ کی امداد لیتا ہے، کیونکہ میونسپلٹیوں اور سماجی اداروں کے درمیان کوآرڈینیشن بہت کمزور ہوتی ہے۔
۵- دیگر سماجی عوامی پروگرام
جیسے:
✓ انرجی سبسڈی
✓ صحت کے اخراجات کی سپورٹ
✓ ایمرجنسی حالات کی امداد
نیٹ ورک کے ارکان کئی شناختوں کے ساتھ مختلف اضلاع میں ایسی ہی امداد لیتے ہیں اور ایسا لگتا ہے کہ یہ مختلف افراد ہیں۔
