صومالیہ میں داعش کے گورنر کا میدانِ جنگ سے فرار

صومالیہ کی پنٹ لینڈ ریاست کے حکام کا کہنا ہے کہ داعش کے مقامی رہنما عبدالقادر مؤمن جنگ کے میدان سے فرار ہوگئے ہیں۔
پنٹ لینڈ کے سیکورٹی فورسز کے ایک ترجمان نے گزشتہ روز (۲۶ جوزا /۱۹ ذوالحجہ) میڈیا کو بتایا کہ ان کے خفیہ اطلاعات کے مطابق عبدالقادر مؤمن کلمیسکات کے پہاڑی علاقے سے فرار ہوا ہے۔ مؤمن کے فرار کے وقت اور طریقہ کار کے بارے میں مزید معلومات فراہم نہیں کی گئیں۔
گزشتہ چند مہینوں سے پنٹ لینڈ کی خودمختار انتظامیہ نے ہلاک کے نام سے ایک وسیع آپریشن شروع کیا ہے تاکہ صومالیہ میں داعشی خوارج کو ختم کیا جا سکے، اور اس مقصد میں وہ کافی حد تک کامیاب ہوئے ہیں۔
پنٹ لینڈ کے صدر نے اتوار کے روز آپریشن کے تیسرے مرحلے کے اختتام کا اعلان کیا اور کہا کہ کلمیسکات کا پہاڑی علاقہ ٪۹۸ فیصد صاف کردیا گیا ہے، اور چوتھے مرحلے میں ان علاقوں کو نشانہ بنایا جائے گا جہاں کلمیسکات کے پہاڑوں اور دیگر علاقوں سے فرار ہونے والے داعشی چھپے ہوئے ہیں۔