ایمان کے بعد کسی دینی جماعت، تحریک، تنظیم یا پارٹی سے وابستگی انسان کی زندگی کے اہم فیصلوں میں سے ایک ہے, کیونکہ یہ فیصلہ انسان سے اس کی فکر، وقت اور مال کا تقاضا کرتا ہے اور کبھی کبھی اس کی جان بھی اس پر قربان ہو جاتی ہے۔ اسی لیے یہ سوال بہت اہم ہے کہ ہم کسی جماعت سے وابستہ کیوں ہیں؟ ہمیں اس ’’کیوں‘‘ کا مضبوط اور دلائل سے بھرپور جواب معلوم ہونا چاہیے۔
انسان فطری طور پر شخصیات کے زیرِ اثر آتا ہے۔ کوئی مؤثر مقرر، کوئی بہادر مجاہد یا کوئی متقی و پرہیزگار رہنما انسان کی توجہ اپنی طرف مبذول کر لیتا ہے۔ کبھی محبت اور رغبت کی شدت کی وجہ سے ہم اسی شخصیت کو ہر غلطی سے پاک اور معصوم سمجھ لیتے ہیں اور اس کے ایسے اندھے پیروکار بن جاتے ہیں کہ اس کے بارے میں معمولی سی مخالف بات بھی برداشت نہیں کر سکتے, حالانکہ اسلام نے ہمیں شخصیت پرستی سے منع کیا ہے اور حق اور اصولوں کی پیروی پر زور دیا ہے۔
نظریے کی بنیاد پر وابستگی کا فائدہ یہ ہے کہ حق نظریہ تبدیل نہیں ہوتا۔ اللہ تعالیٰ کا دین، قرآن و سنت کے اصول، عدل، جہاد، دعوت اور شریعت کا نفاذ وہ اقدار ہیں جو کل بھی حق تھیں اور آج بھی حق ہیں۔ جو شخص ان اصولوں پر قائم ہو، وہ حق پر ہے, اور جو ان سے منحرف ہو جائے، وہ باطل پر ہے، خواہ وہ کتیi ہی بڑی شخصیت کیوں نہ ہو۔ ہمیں یہ بات بار بار اپنے آپ سے دہراتے رہنا چاہیے، تاکہ ہمارا دل اسے پوری طرح تسلیم کر لے۔
إذا تكرر تقرر في القلب۔
دیکھیے! حضرت عبداللہ بن مسعود رضی اللہ عنہ فرماتے ہیں:
مَنْ كَانَ مُسْتَنًّا فَلْيَسْتَنَّ بِمَنْ قَدْ مَاتَ، فَإِنَّ الْحَيَّ لَا تُؤْمَنُ عَلَيْهِ الْفِتْنَةُ
ترجمہ: جو شخص کسی کے طریقے اور راستے کی پیروی کرنا چاہتا ہو، تو اسے ان لوگوں کی پیروی کرنی چاہیے جو وفات پا چکے ہیں، کیونکہ زندہ انسان کے بارے میں اطمینان نہیں کیا جا سکتا کہ وہ فتنے سے محفوظ رہے گا۔
لہٰذا اگر آپ کسی جماعت کے نظریے اور اصولوں کی بنیاد پر اس سے وابستہ ہیں تو مطمئن رہیں۔ کل اگر اس جماعت کا امیر تبدیل ہو جائے، یا قیادت کی کرسی پر کوئی کمزور شخص آ جائے، تب بھی آپ کا تعلق جماعت کے اصل منہج کے ساتھ مضبوط رہے گا اور منقطع نہیں ہوگا۔ اسی لیے، اگر خدانخواستہ ایک دن خود اس جماعت کی قیادت اپنے اصل نظریے سے منحرف ہو جائے، تو آپ کو یہ پہچاننے میں دشواری نہیں ہوگی کہ حق کہاں ہے اور آپ کو کس سمت کھڑا ہونا چاہیے۔
لیکن شخصیت پرستی کا نقصان یہ ہے کہ شخصیات بدلتی رہتی ہیں۔ انسان ہے، بھولتا ہے، خوف زدہ ہوتا ہے، حرص اور طمع کا شکار ہوتا ہے اور حالات کے دباؤ میں اپنا موقف تبدیل کر سکتا ہے۔ کتنے ہی ایسے لوگ ہیں جو کل تک شریعت کی حاکمیت کی باتیں کرتے تھے، لیکن آج جمہوریت اور باطل نظام کی تعریفیں کرتے ہیں۔ کتنے ہی لوگ کل تک جہاد کی فرضیت پر یقین رکھتے تھے، لیکن آج مصلحت کے نام پر اس سے بیزاری کا اعلان کرتے ہیں۔
لہٰذا اگر آپ کی وابستگی کی بنیاد شخصیت ہو تو آپ بھی اسی شخصیت کے ساتھ باطل کی طرف کھڑے ہو جائیں گے اور گمان کریں گے کہ آپ اب بھی دین کی راہ پر چل رہے ہیں، حالانکہ حقیقت میں آپ دین کے بجائے ایک شخص کی پیروی کر رہے ہوں گے۔ قرآن کریم نے اسی کیفیت کی طرف اشارہ کیا ہے:
﴿اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللَّهِ﴾
ترجمہ: انہوں نے اپنے علما اور راہبوں کو اللہ کے سوا اپنا رب بنا لیا تھا۔
تفسیر میں آیا ہے کہ ان کی طرف سے علما اور راہبوں کو رب بنانے کا مطلب یہ تھا کہ وہ حلال و حرام کے مسائل میں ان کی اندھی پیروی کرتے تھے۔
اس بات سے ایک اور اہم نتیجہ بھی حاصل ہوتا ہے۔ وہ یہ کہ جب ہم کسی جماعت پر تنقید کرتے ہیں، اس سے اختلاف کا اظہار کرتے ہیں یا اس سے علیحدگی کا فیصلہ کرتے ہیں تو اس کی بنیاد یہ ہونی چاہیے کہ اس جماعت کے بنیادی اصول اور قواعد شریعت سے متصادم ہیں، نہ یہ کہ جماعت کے کسی ایک رکن سے غلطی ہوئی ہو، کسی کارکن نے بد اخلاقی کی ہو یا کسی ذمہ دار نے فساد کیا ہو اور ہم اسی ایک شخص کی غلطی کو اس بات کی دلیل بنا دیں کہ پوری جماعت، اس کا نظریہ اور اس کی سرگرمیاں مردود ہیں۔
کیونکہ افراد ہر جگہ کمزور اور خطا کار ہو سکتے ہیں۔ رسول اللہ صلی اللہ علیہ وسلم کے لشکر میں بھی منافقین تھے، کیا ان کی موجودگی اس بات کا سبب بن سکتی ہے کہ جہاد ترک کر دیا جائے؟ صحابہ کرام رضی اللہ عنہم میں سے بعض سے بھی اجتہادی غلطیاں ہوئی ہیں، کیا ان غلطیوں نے صحابیت کا مقام ختم کر دیا ہے؟ ہرگز نہیں!
لہٰذا اگر کوئی دینی جماعت شریعت کے نفاذ، کفر سے بیزاری اور سنتوں کے احیا کے نظریے پر قائم ہو، لیکن اس کا کوئی رکن ذاتی غلطی کر بیٹھے تو تنقید اسی فرد پر ہونی چاہیے، جماعت کے نظریے پر نہیں۔
اسی لیے ہمیں ایک فرد کی غلطی اور ایک نظریے کی گمراہی کے درمیان فرق کرنا سیکھنا چاہیے۔ فرد کی غلطی اصلاح اور معافی کے قابل ہوتی ہے، لیکن فکری گمراہی کو رد کیا جانا چاہیے، خواہ وہ کسی بڑی شخصیت ہی کی طرف سے کیوں نہ پیدا ہوئی ہو۔ مختصر یہ کہ ایک باخبر اور بیدار مسلمان وہ ہے جو اپنی وابستگی نظریے اور اصولوں کے ساتھ مضبوط کرتا ہے، شخصیات کے ساتھ نہیں۔ وہ دیکھتا ہے کہ یہ جماعت قرآن و سنت کو کس زاویۂ نظر سے دیکھتی ہے، اس کا منہج کیا ہے اور وہ کن اصولوں پر قائم ہے۔
اسی لیے اگر کوئی شخصیت اپنے نظریے سے منحرف ہو جائے تو وہ اس شخصیت کو چھوڑ دیتا ہے، لیکن حق نظریے سے منحرف نہیں ہوتا۔ اسی طرح جب وہ تنقید کرتا ہے تو اصولوں کی بنیاد پر کرتا ہے، اشخاص کی بنیاد پر نہیں۔ اگر افراد پر بھی تنقید کرتا ہے تو ان کی غلطی پوری جماعت پر نہیں تھوپتا، بلکہ اس کا مقصد اسی فرد کی اصلاح ہوتا ہے، محض تنقید برائے تنقید نہیں۔
تاریخ گواہ ہے کہ جن قوموں اور عوام نے شخصیت پرستی کے بجائے اصولوں اور نظریات کی پیروی کی، وہی ثابت قدم رہیں اور کامیاب ہوئیں، لیکن جنہوں نے نظریہ چھوڑ دیا اور شخصیات کے پیچھے اپنی آنکھیں بند کر لیں، آخرکار وہ ٹکڑے ٹکڑے ہو گئے۔
وَمَا عَلَيْنَا إِلَّا الْبَلَاغُ۔


















































