چند روز قبل، اقوام متحدہ کی تجزیاتی حمایت اور پابندیوں کی نگرانی کرنے والی ٹیم نے اپنی 35 ویں رپورٹ سلامتی کونسل کو پیش کی، یہ رپورٹ داعش، القاعدہ اور دیگر گروپوں کی صورتحال پر مبنی ہوتی ہے جو مذکورہ ٹیم ہر سال دو بار شائع کرتی ہے اور اس وقت کی رپورٹ 2024ء کے وسط سے دسمبر کے آخر تک کی صورتحال کو زیر بحث لاتی ہے۔
رپورٹ میں کہا گیا ہے کہ پاکستان کی سیکیورٹی ایجنسیوں نے پچھلے سال تین اہم داعشی رہنماؤں کو گرفتار کیا اور اس طرح پاکستان میں داعش کے خراسان شاخ کے مرکز بنانے کی کوششوں کو ناکام بنایا۔ گرفتار ہونے والے داعشی رہنماؤں کے نام عادل پنجشیری، کاکا یونس ازبکستانی اور ابو منذر تاجکستانی بتائے گئے ہیں۔
پاکستان کی سیکیورٹی ایجنسیاں عموماً ایسی کامیابیوں کو چھپاتی نہیں ہیں، مگر چونکہ ان معلومات کو اپنے میڈیا کے بجائے اقوام متحدہ کی پابندیوں کی نگرانی کرنے والی ٹیم کے ذریعے شائع کیا گیا ہے، اس کے پیچھے کچھ وجوہات ہو سکتی ہیں۔
افغانستان میں امارتِ اسلامی کی سیکیورٹی فورسز کے سخت آپریشنز کے بعد، خراسانی خوارج کی قیادت پاکستان فرار ہو گئی اور بلوچستان اور خیبر پختونخواہ میں اپنے مراکز قائم کرلیے۔ اقوام متحدہ، عالمی نیوز ایجنسیاں اور خود پاکستانی فوج کے تعاون سے چلنے والے میڈیا چینلز نے بھی ان رپورٹس کی تصدیق کی ہے۔
پاکستانی حکومت کی سیکیورٹی ایجنسیاں پنجشیری، یونس اور ابو منذر کی گرفتاری کا دعویٰ کر رہی ہیں، یہ خود المرصاد اور دیگر ذرائع کے ان رپورٹس کی تصدیق کر رہی ہیں جن میں کہا گیا ہے کہ خراسانی دہشت گردوں نے اپنا مرکز پاکستان منتقل کر لیا ہے اور وہاں سے وہ خطے اور دنیا بھر میں حملے منظم کر رہے ہیں۔ یہ بھی یاد رہے کہ عادل پنجشیری اور اس کے ساتھیوں کو ایران کے صوبے کرمان میں ہونے والے حملے کے منصوبہ ساز اور سہولت کار قرار دیا گیا ہے، جو کہ 2024ء کے جنوری میں ہوا تھا اور جس میں تقریباً 400 افراد ہلاک یا زخمی ہوئے۔ پاکستان میں ان کی گرفتاری اس بات کا ثبوت ہے کہ کرمان حملے کی منصوبہ بندی بھی بلوچستان میں کی گئی تھی اور پاکستانی انٹیلیجنس نے اس کو اپنی کامیابی کے طور پر پیش کیا ہے۔
(سیکیورٹی ذرائع کے مطابق، عادل پنجشیری نے 2020ء میں کابل یونیورسٹی پر حملے کی منصوبہ بندی کی تھی اور ابو منذر تاجکستانی نے ماسکو کے کروکوس ہال پر حملے کی منصوبہ بندی میں کردار ادا کیا تھا۔)
یہ بہت ممکن ہے کہ پاکستان نے عادل پنجشیری کو اس نیت سے گرفتار کیا ہو کہ اسے ایران کے ساتھ بلوچ علیحدگی پسندوں کے بعض مطلوب ارکان کے تبادلے کے طور پر استعمال کرسکیں۔
کرمان کے حملے کا اصلی منصوبہ ساز ایک تاجکستانی شخص تھا جس کے مستعار نام طارق اور عبدالله ہیں، جو فی الحال پاکستان کے صوبے بلوچستان میں رہائش پذیر ہے، لیکن پاکستانی حکومت نے اقوام متحدہ کی پابندیوں کی نگرانی کرنے والی ٹیم کو بتایا ہے کہ وہ افغانستان میں ہے اور وہاں سرگرم ہے۔ طارق نے کرمان حملے کے ساتھ ساتھ پچھلے سال مارچ میں قندھار میں ہونے والے حملے کی بھی منصوبہ بندی کی تھی، اور اس حملے کے دہشت گرد اسدبیگ مادیاروف کو بلوچستان کے کیمپوں میں تربیت دے کر قندھار بھیجا گیا تھا۔
پاکستان کوشش کر رہا ہے کہ وہ بلوچستان اور خیبر پختونخوا میں داعش کے فعال مراکز پر عالمی توجہ سے بچ سکے، لیکن ہر گزرتے دن کے ساتھ اس کے جھوٹ بے نقاب ہوتے جا رہے ہیں اور اس پر عائد الزامات ثابت ہو رہے ہیں۔ اگر بلوچستان اور خیبر پختونخوا میں داعش کے مراکز پر نظر نہ رکھی گئی، تو خطرہ ہے کہ یہ پورا خطہ کرمان، قندھار، کابل اور دیگر مقامات کی طرح خونریز حملوں کا شکار ہونے سے بچ سکے گا۔
